எச்சவினை

எச்சவினை முற்றுவினை / வினைமுற்று பொருள் முடிந்து நிற்கும் சொல் (எ.கா) நான் உணவு உண்டேன். பாலு பாடம் படித்தான். பறவை பறக்கிறது. நான் மலேசியாவுக்குச் செல்வேன். எச்சவினை பொருள் முற்றுப்பெறாமல் எஞ்சி நிற்கும் சொல். இது பொருள் முடிவுபெறுவதற்காய் இன்னொரு சொல்லை எதிர்பார்த்து நிற்கும். (எ.கா) நான் படித்த கதை அருமையாக இருந்தது. நான் அழகிய ஓவியத்தை வரைந்து முடித்தேன். கலா வானொலியில் கேட்ட பாட்டைப் பாடிப் பழகினாள். எச்சவினை வகைகள்: 1.பெயரெச்சம் பெயர்ச்சொல்லைப் பொருள் முடிக்கும் சொல்லாகக் கொள்ளும் எச்சம் பெயரெச்சமாகும். (எ.கா) படித்த பாடம் நடித்த சிறுமி சிரித்த குழந்தை ஓடிய குதிரை 2.வினையெச்சம் வினைச்சொல்லைப் பொருள் முடிக்கும் சொல்லாகக் கொள்ளும் எச்சம் வினையெச்சமாகும். (எ.கா) சாப்பிட வந்தான். எழுதி முடித்தான். ஓடிப் பிடித்தான். தாவிச் சென்றது. சொல்லி முடித்தார்.